“MOTURIDIYLIK VA HOZIRGI ZAMON” MAVZUIDAGI XALQARO ILMIY SEMINARLAR HAFTALIGI

“MOTURIDIYLIK VA HOZIRGI ZAMON” MAVZUIDAGI XALQARO ILMIY SEMINARLAR HAFTALIGI

Imom Buxoriy va Imom Moturidiy xalqaro ilmiy-tadqiqot markazlari hamkorligida 2021 yil 11-18 avgust kunlari “Moturidiylik va hozirgi zamon” mavzuida turkum xalqaro ilmiy seminarlar o‘tkazilishi rejalashtirilgan. Anjuman va davra suhbatlarida O’zbekiston xalqaro islom akademiyasi o‘qituvchisi, IMXITM Bosh ilmiy xodimi, doktor Ahmad Sa’d Damanhuriy o‘z ma’ruzalari bilan ishtirok etadi.

Ikki tomonlama hamkorlik doirasida 11 avgust kuni Markazga doktor Ahmad Sa’d Damanhuriy tashrif buyurdi. Direktor o‘rinbosari O.Muhammadiyev mehmonni Markaz faoliyati bilan tanishtirdi. Ahmad Sa’d O’zbekiston hukumati tomonidan allomalarimiz ilmiy merosini o‘rganish va targ‘ib etishga yuksak e’tibor ko‘rsatilayotganini mamnuniyat bilan ta’kidladi. Doktor Damanhuriyda Markaz kutubxonasiga Misr Arab Respublikasi va Turkiyadan olib kelingan nodir asarlar katta ta’assurot qoldirdi. Olim kelajakda bunday ilmiy-tadqiqot markazlarida Imom Buxoriy, Imom Moturidiy va boshqa yuzlab allomalarning asarlari o‘rganilib, keng jamoatchilikka yetkazilishigi ishonishini bildirdi.

http://www.bukhari.uz/wp-content/uploads/2021/08/damanxuriy_2.jpg

Seminarlarda Markaz ilmiy xodimlari va boshqa tadqiqotchi islomshunos olimlar ishtirokida “Imom Moturidiy hayoti va ilmiy merosi”, “Ta’vilot al-Qur’on” va “Tavhid” asarlari haqida ma’ruzalar qilinadi, davra suhbatlari o‘tkaziladi.

http://www.bukhari.uz/wp-content/uploads/2021/08/damanxuriy_3.jpg

Samarqandga tashrif asnosida mehmonning bu qadim shahardagi tarixiy obidalarga ziyorati hamda Samarqand qog‘ozi ishlab chiqarish jarayoni bilan tanishuvi ko‘zda tutilgan.

Imom Buxoriy xalqaro ilmiy-tadqiqot markazi

matbuot xizmati

Ўзбекистон Республикаси Президентининг “Имом Мотуридий халқаро илмий-тадқиқот марказини ташкил этиш чора-тадбирлари тўғрисида”ги ПҚ-4802-сонли Қарорининг қабул қилинганига бир йил бўлди

Ўзбекистон Республикаси Президентининг “Имом Мотуридий халқаро илмий-тадқиқот марказини ташкил этиш чора-тадбирлари тўғрисида”ги ПҚ-4802-сонли Қарорининг қабул қилинганига бир йил бўлди

Бундан роппа-роса бир йил аввал, 2020 йил 11 августда Ўзбекистон Республикаси Президенти Шавкат Мирзиёевнинг “Имом Мотуридий халқаро илмий-тадқиқот марказини ташкил этиш чора-тадбирлари тўғрисида”ги ПҚ-4802-сонли Қарори қабул қилинган эди.

Мотуридийлик таълимоти асосчиси Имом Абу Мансур Мотуридий ва унинг издошлари меросини чуқур ўрганиш, уларнинг ақида ва калом илми ривожига қўшган бебаҳо ҳиссасини тадқиқ этиш ва кенг тарғиб қилиш, миллий-диний қадриятларимизни асраб-авайлаш ва ривожлантириш, шу асосда ёш авлодни эзгу умуминсоний ғоялар руҳида тарбиялаш, уларда маънавий ва маърифий қарашларимизга ёт бўлган зарарли таъсирларга қарши мафкуравий иммунитетни кучайтириш каби бир қатор вазифалар мазкур қарорнинг асосий мақсади сифатида белгилаб қўйилган.

 



 

Шуни алоҳида таъкидлаш лозимки, ушбу қарор нафақат юртимизда, балки халқаро миқёсда ҳам Имом Мотуридий ва мотуридийлик таълимотини тизимли ҳамда илмий асосда ўрганишни янги босқичга олиб чиқишга замин яратди. Жумладан, Ўзбекистон халқаро ислом академияси ҳузурида ташкил этилган Имом Мотуридий халқаро илмий-тадқиқот маркази қарорда кўрсатилган муҳим ва долзарб вазифаларнинг ижросини таъминлаш мақсадида бир қатор ишларни амалга оширди. Хусусан, Марказ илмий жамоаси томонидан тўққиз ойлик фаолият давомида 30 дан зиёд китоб ва рисолалар тайёрланди. Жумладан, Имом Мотуридийнинг “Таъвилот ал-Қуръон” асарининг 29, 28 ва 27-жузлари ўзбек тилига илмий-изоҳли таржима қилинди, “Китоб ат-тавҳид” асари эса Кембриджда сақланаётган ягона қўлёзма нусха асосида таҳқиқ қилиниб, ўзбек тилига илмий-изоҳли таржимаси амалга оширилмоқда. 

 

 

Имом Мотуридий ва мотуридийлик таълимотини халқаро жамоатчиликка кенг тарғиб қилиш мақсадида Марказ Таълим, фан ва маданият масалалари бўйича Ислом ташкилоти (ICESCO), Анқара университети, Салжуқ университети, Қозоғистон фикр диний амалий тадқиқотлар маркази каби хорижий муассасалар билан Англашув меморандуми ва Келишув шартномаларини имзолади, жаҳоннинг кўзга кўринган мутахассислари иштирокида 20 дан зиёд илмий семинарлар ташкил этилди, “Имом Мотуридий таълимоти ва ҳозирги замон” мавзусида халқаро онлайн илмий-амалий симпозиум, жаҳоннинг 23 нафар етакчи исломшунослари аъзо бўлган Имом Мотуридий халқаро илмий-тадқиқот маркази Халқаро илмий ҳайъатининг йиғилиши ўтказилди. Телевидение ва радиода 30 га яқин чиқишлар ташкил қилинди, ижтимоий тармоқларда 1700 дан зиёд материал эълон қилинди. Марказ илмий ходимлари томонидан маҳаллий ва халқаро журналларда 100 дан зиёд мақола чоп этилди. 100 га яқин маънавий-маърифий тадбирлар ташкил этилди.